95 Диалогтар: (16-күн)
Болашақты жоспарлау
Сания: Оксана, көңіл-күйің жоқ сияқты. Не болды?
Оксана: Ертең менің туған күнім. Жиырма екіге толамын. Осы күнге дейін не істедім? Қандай жетістікке жеттім? Осы сұрақтар мені мазалайды.
Сания: Оксана, көп уайымдама. Бәрі де жақсы болады. Мен сендей еңбекқор, талапты адамды көрген жоқпын. Сенің қолыңнан бәрі келеді!
Оксана: Білесің бе, бала кезімде көп арманым болатын. Солардың бірі – жиырма жасымда ата-анамнан бөлек тұру. Сонымен бірге шетелді аралау, көлік жүргізуді үйрену.
Сания: Мен қазір де көп армандаймын. Әсіресе, саяхаттағанды ұнатамын. Сен қай елге бармақшысың?
Оксана: Мысалы, Грекия, Аустрия, сондай-ақ Мажарстан мен Үндістанға да барғым келеді. Ал Қазақстанның қалаларын көлікпен араламақшымын.
Сания: Онда саяхатымызды Қазақстанның қалаларынан бастайық.
Оксана: Келістік.
Сания: Оксана, көңіл-күйің көтерілді ме?
Оксана: Иә, рақмет, сөйлескеніміз жақсы болды!
