9 Диалогтар: (2-күн)
Мамандық туралы ізденіс
Мұғалім: Құрметті оқушылар, бүгінгі қонақтарымыз – Арайлым және Еркін. Олар өз мамандықтары туралы сұрақтарыңа жауап береді. Ал Арайлым, Еркін, өздеріңізді таныстырыңыздар!
Еркін: Барлықтарыңызға сәлем! Менің атым – Еркін. Мен Антропология факультетінде оқимын. Мен үшінші курстамын. Антропология мамандығы өте қызықты. Бүгін сендерге өз мамандығым туралы айтамын.
Арайлым: Сәлем, достар! Менің есімім – Арайлым. Құрылыс инженерлігі мамандығы бойынша білім алып жатырмын. Мен қазір екінші курс студентімін. Құрылыс инженерлері ғимараттардың, жолдардың, көпірлердің, әуежайлардың, су каналдарының, тунельдердің жобасын жасайды. Құрылыс инженерлерінің жұмысы өте маңызды.
Мұғалім: Рақмет, Еркін, Арайлым! Иә, Сания, сұрағың бар ма?
Сания: Иә, менің бірнеше сұрағым бар. Еркін аға, сіз неге бұл мамандықты таңдадыңыз? Антропологтар немен айналысады? Қазақстанға антрополог мамандар қажет пе?
Еркін: Сұрақтарыңа рақмет, Сания. Антропология мамандығы маған ұнайды. Антропологтар адамзат тарихын, мәдениетін зерттейді. Иә, әрине, Қазақстанға антрополог мамандар қажет. Себебі өз мәдениетімізді жақсы білуіміз керек.
Мұғалім: Кімде тағы сұрақ бар?
Азамат: Менің сұрағым келеді. Арайлым, болашақта қай салада жұмыс істегіңіз келеді?
Арайлым: Мен бұл туралы әлі ойланбадым. Мүмкін соңғы курста шешемін.
Мұғалім: Арайлым, Еркін, сіздерге рақмет! Оқуда сәттілік тілейміз! Жақсы маман болыңыздар!
