15 Диалогтар: (3-күн)
Жұмыс пен оқуды қатар алып жүру
Айдана: Қайнар! Әсел! Сұлтан!
Қайнар: О, сәлем, Айдана!
Сұлтан: Айдана, сені көргеніме қуаныштымын!
Әсел: Сені қатты сағындық!
Сұлтан: Сені көрмегелі көп болды! Қанша уақыт өтті?
Айдана: Бір жыл болды. Мен сендерді бұл дәмханада бұрын көрмедім.
Қайнар: Мен бүгін бірінші рет келіп тұрмын. Айдана, сен бұл дәмханада не істеп жүрсің?
Айдана: Мен осында жұмыс істегім келеді. Сабақтан кейін бос уақытым бар. Біраз тәжірибе жинауым керек.
Сұлтан: Оқу мен жұмыс бірге қиын болмай ма? Қалай ойлайсың?
Айдана: Мүмкін қиын болады. Бірақ мен өзіме сенімдімін. Жаңа жұмысты тез үйренемін.
Әсел: Менің ойымша, бұл жұмыс студент үшін өте ыңғайлы. Көп студенттер сабақтан кейін жұмыс істейді.
Қайнар: Иә, менің курстастарым да жұмыс істеп жүр. Олар сабақтарын жақсы оқиды. Айдана, мен сені қолдаймын. Дұрыс шешім.
Айдана: Қолдауларыңа рақмет.
Әсел: Саған сәттілік тілейміз!
***
Әсел: Алло, Айдана, сәлем!
Айдана: Сәлем! Қалайсың?
Әсел: Менде бәрі жақсы. Сенің қалың қалай? Жұмысқа қабылдады ма?
Айдана: Иә, сол күні бастадым. Қазір көмекші ретінде жүрмін.
Әсел: Қуаныштымын. Оқуың қалай? Үлгересің бе?
Айдана: Иә, үлгеремін. Сенде не жаңалық?
Әсел: Жаңалық көп. Дәмханаға келсем бола ма? Әңгімелесейік.
Айдана: Әрине, болады. Жұмыс сағат алтыда бітеді. Сол кезде кел.
Әсел: Жақсы. Сау бол.
