65 Диалогтар: (8-күн)
Тіл – біздің тірегіміз!
Майра: Сәлем, Димаш! Қалың қалай?
Дінмұхаммед: Сәлем, Майра! Жақсы. Не жаңалық? Жай хабарластың ба?
Майра: Жаңалық жоқ, бірақ менің бір өтінішім бар.
Дінмұхаммед: Иә, айта бер. Қандай көмек керек?
Майра: Қазақшамды жақсартқым келеді. Қазақ тілінде жақсы сөйлей алмаймын, сондықтан қысыламын.
Дінмұхаммед: Қысылма. Сен көп нәрсені білесің. Саған көбірек сөйлеу керек.
Майра: Мен тырысып жүрмін. Бірақ маған қазақ тілінде сөйлесетін адам керек.
Дінмұхаммед: Мен сенімен сөйлесейін.
Майра: Рақмет, жақсы болды. Не істеу керек?
Дінмұхаммед: Біріншіден, қысылмау керек. Күнде қазақ тілінде ән тыңда. Сөздерді жатта. Сол сөздерді қолдан. Қазақ тілінде фильмдер көр. Жақындарыңмен қазақша сөйлес.
Майра: Сеніңше, маған қанша уақыт қажет?
Дінмұхаммед: Барлығы өзіңе байланысты. Егер көп жаттықсаң, бір айда жақсы сөйлеп кетесің.
Майра: Кеңестеріңе рақмет, ертең бастаймыз ба?
Дінмұхаммед: Әрине, саған сәттілік тілеймін.
***
Досымның пайдалы кеңесі
Дінмұхамед: Сәлем, Раушан! Жағдайың қалай? Көңіл-күйің жоқ сияқты.
Раушан: Сәлем, Димаш! Жаман емес. Қатты шаршап жүрмін.
Дінмұхаммед: Не болды? Неге шаршап жүрсің?
Раушан: қазақ тілінен интенсив курсқа барып жүрмін. Тапсырмаларым көп. Жоба дайындау керек, оны ұсыну керек. Осы аптада профессормен екі рет кездесемін.
Дінмұхамед: Жобаң не туралы?
Раушан: Жастардың қазақ тілінде кітап оқуы туралы.
Дінмұхамед: Қызықты тақырып екен. Материал таптың ба? Оны қалай дайындайсың?
Раушан: Қазір сауалнама жүргізіп жатырмын. Қатысқан адамдар аз.
Дінмұхамед: Менің бір ойым бар. Есіңде ме, бұрын ағылшын тілінен «Book Club-қа» баратынбыз. Тура осындай қазақша кітап оқу клубы бар екен. Бұл клубқа көп адамдар барады. Сенің сауалнамаңа пайдалы болуы мүмкін.
Раушан: О, жақсы болды ғой! Кеңесіңе көп рақмет! Енді жобамды тез аяқтаймын.
