100 Диалогтар: (17-күн)
Ата-анадан бөлек тұру
Ануар: Гауһар, ақылдасайықшы. Сенің пікірің мен үшін маңызды. Бүгін бір шешім қабылдадым. Ата-анамнан бөлек тұрамын деп шештім.
Гауһар: Кішкентай бауырларыңды сағынбайсың ба?
Ануар: Әрине, сағынамын! Бірақ олардың шуы мен айқайын сағынбаймын.
Гауһар: Түсінікті. Жалғыз өзің енді үйде не істейсің?
Ануар: Қалаған кезде шығармашылық жұмыспен айналыса аламын. Оған қоса, күнтәртібімді қалағанымдай реттеймін. Достарымды үйге шақыра аламын. Өзім жақсы көретін тағамдарды дайындаймын. Таңертең ерте тұрып, кешінде ерте ұйықтаймын.
Гауһар: Пәтерді жалға аласың ба? Жалғыз өзің тұрасың ба? Әлде қасыңа біреуді қосып аласың ба?
Ануар: Иә, интернеттен қарап бастадым. Пәтерді, әрине, жалға аламын. Бастапқыда өзім тұрып көрейін. Егер қиналсам, пәтерді бөлісемін.
