116 Диалогтар: (20-күн)
Тапсырыс беру
Даяшы: Алло, «Раушан» мейрамханасы. Сізді тыңдап тұрмын.
Әлімжан: Сәлеметсіз бе! Тапсырыс берейін деп едім. Тапсырысты үйге дейін жеткізесіздер ме?
Даяшы: Иә, әрине. Қандай тапсырыс бергіңіз келеді? Мәзірді вебсайтымыздан көрсеңіз болады.
Әлімжан: Мәзірмен таныспын. «Мерекелік» салаты мен «Маргарита» пиццасына тапсырыс бергім келеді.
Даяшы: Өте жақсы таңдау! Біздің мейрамхана пицца және салаттарымен танымал.
***
Көп қырлы аргумент
Салтанат: Бүгін ерекше күн. Бірінші айлығың түсті. Соның құрметіне пицца алдық. Тойладық десек те болады.
Әлімжан: Иә, бірақ сырттан тамақтану денсаулыққа кері әсерін тигізбей ме?
Салтанат: Қалайша?
Әлімжан: Нақты себебі есімде жоқ.
Салтанат: Мен бұнымен толық келіспеймін. Біріншіден, сырттан тамақтану уақытты үнемдейді. Екіншіден, адам ағзасына түрлі тағам қажет.
Әлімжан: Сөзіңнің жаны бар. Алайда сырттан жиі тамақтану денсаулыққа зиян. Үйдің тамағына не жетсін!
***
Төл рецепт
Әлімжан: Салтанат, сенің ойыңша, үйде пісірілген фаст-фуд өнімі мен сырттан алынған фаст-фудтың қандай айырмашылығы бар? Бүгін кешке өзіміз чизбургер дайындағанға қалай қарайсың?
Салтанат: О, әрине де оң қараймын.
Әлімжан: Дайындау тәсілін сәл өзгертейік. Мен ірімшіктің аз болғанын қалаймын.
Салтанат: Ал мен пиязды көбірек қосқым келеді.
Әлімжан: Неге?
Салтанат: Себебі пияздың мол болғанын жақсы көремін…
Әлімжан: Ал мен салат жапырақтарының орнына қырыққабат қосқым келеді.
Салтанат: Рецепті мүлдем өзгерттік. Біз бұны енді «чизбургер» деп атамайық.
