128 Диалогтар (22-күн)

Жандос: Дана, кітапхана жиырма минуттан кейін жабылады. Тапсырмаларыңды орындап болдың ба? Қазір не істеп жатырсың?

Дана: Тапсырмаларымды аяқтадым. Енді пост жазып отырмын. Ертең жеке блогымда жарияламақшымын.

Жандос: “Пост” сөзінің қазақшасы жоқ па?

Дана: Әзірше аудармасы жоқ, болса жақсы болар еді.

Жандос: Ол жазбаң не туралы?

Дана: “Отанды сүйе білу” деп аталады.

Жандос: Неге жай “Отанды сүю” деп аталмайды?

Дана: Өйткені көбіміз отанға деген махаббатты әртүрлі түсінеміз.

Жандос: Сен өзің қалай ойлайсың?

Дана: Менің пікірімше, отанды сүю – тұрақты, әрі берік сезім. Ал отанды сүйе білу дегеніміз сүйіспеншілігіңді одан әрі арттыру.