217 Диалогтар (38-күн)
ХХІ ғасыр азаматы
Гүлжаһан: Өткен айда Жапонияда болдым. Жапон тілін енді үйреніп жүрмін. Әлі сөйлесе алмаймын. Өзің білесің, бұл елдің халқы ағылшын тілін көп қолданбайды.
Әмір: Сен жапондармен сонда қалай сөйлестің?
Гүлжаһан: Қазіргі цифрлық технологиялар маған көп көмектесті. Телефонымдағы арнайы аударма қосымшасын пайдаландым.
Әмір: Саған көп пайдасы тиген екен. Бірақ қазіргі мектеп оқушылары осы технологияның кесірінен өздігінен шет тілін үйренуге құлшыныстарын азайтты. Менің пікірімше, адамдар тілді өздігінен үйренуі керек.
Гүлжаһан: Бұл тұрғыдан сенімен келісемін. Тілмен бірге бір елдің мәдениетін де үйренеміз. Тіл адамдарды бір-бірімен рухани тұрғыдан да байланыстырады. Тіл тек қана қарапайым сөздер емес, сонымен бірге сезімдерді де білдіреді.
Әмір: Иә, осындай дайын аударма қосымшаларын қолданатын болсақ, ХХІ ғасырда роботқа айналып кетуіміз мүмкін. Бұл мәселе мені қатты толғандырады.
