19 Мәтіндер (4-күн)

Қазақстандық шахматшы Жансая Әбдімәлік Швейцарияның Лозанна қаласында өткен элиталық әйелдер турнирінің жүлдегері атанды, бұл Гран-придің үшінші кезеңі, — деп хабарлайды Vesti.kz. Қазақстандық спортшы мұндай жарысқа алғаш рет қатысып отырғанымен, әлемнің ең мықты шахматшыларының үштігіне енді. Әбдімәлік 6,5 ұпай жинап, турнирдің жеңімпазынан ғана ұтылып қалды. Сонымен қатар  қазақстандықтың турнир қорытындысы бойынша топ-10 ойыншылар қатарында рейтингі төмен болды.

To read more, you can visit the link.

Төмендегі тұжырымдардың “дұрыс”, “бұрыс” немесе “мәтінде берілмегендігін” анықтаңыз.

Tалай байрақты бәсекелерде бағы жанып, бүгінде халықаралық деңгейдегі білікті маман атанған отандастарымыз саусақпен санарлық. Сондай жандардың бірі – Мұрат Темірәлиев.

Ол кім? Ол – таэквондодан халықаралық дәрежедегі спорт шебері, “қара белбеудің” 5-ші дан иегері, аталған спорт түрінен халықаралық және республикалық жарыстардың бірнеше дүркін жеңімпазы. Ол – таэквондо спорты бойынша қазақстандықтар арасынан шыққан алғашқы халықаралық дәрежедегі төрешінің бірі. Спорт саласында елеулі табыстарға қол жеткізген соң Мұрат Темірәлиев өз спорт клубын ашып, шәкірт тәрбиелеуге ден қояды. Еңбегі еш кеткен жоқ.

To read more, you can visit the link.

Компьютер ойындарының зияны жайлы бұрын да жиі айты­лып келді, талас көп. Барлық ой қақ жарылып, соңы екіұшты пікірге саяды. Бірі – спорт деп мойындаса, екіншісі зиянын тізбектейді. Халықаралық олимпиада комите­ті «киберспортта зорлық пен дискриминация бар» деген уәж айтып отыр. Ойындағы агрессия көпшілікке кері әсер етуі мүмкін екенін жеткізіпті. Кейінгі жылдары медицинада лудомания атты сөз жиі қолданыла бастады. Ойынға тәуелділік дертін дәрігерлер осылай атайды. Дертке шалдыққан адам шынайы өмірден алыстап, физиологиялық тұрғыда әлсірей береді. Сонда компьютер ойындарына түбегейлі тыйым салған жөн бе? Бұл тұста спорт психологтары екі негізден тұратын қарапайым күн тәртібін, график бекітуді ұсынады.

To read more, you can visit the link.

Американдық зерттеуші Джон Медина «Правила мозга» деп аталатын кітабында спорттың миға қандай пайдасы бар екендігін айтқан екен. Бірақ та қаншалықты пайдалы әрі әсер ету қарқындылығын ешкім дөп басып айта алмайды. Дегенмен, адам көп қимыл-қозғалыс жасаған сайын оның миы да белсенді жұмыс жасай бастайды. Есте сақтау қабілеті де артады. Зерттеулер нәтижесі көрсеткендей үнемі жаттығулармен айналысып жүретін болсаңыз, мидың дамуына, ойлау қабілетінің артуына, қартайған шақта да түрлі ақпараттарды қабылдауға көмектесетін көрінеді. Физикалық тұрғыда белсенді адамдар ауырып қалған жағдайда да онымен күресіп, тез жазылуға қауқарлы. Сырттан келген вирустар мен бактерияларды тез жоюға олардың ағзасы көмектеседі. Сондықтан да қай уақытта да спортпен шұғылдану кеш емес.

To read more, you can visit the link.

Жақсылық Әмірәліұлы Үшкемпіров  1951 жылдың 6 маусымында  Жамбыл облысы, Дихан ауылы, Свердловск ауданында дүниеге келген. Жақсылық Үшкемпіров алтын медаль иеленген қазақтан шыққан тұңғыш Олимпиада чемпионы (Мәскеу, 1980). 1980 жылы ХХІІ Олимпиада ойындарында Мәскеуде жеңіске жетті. Бірнеше рет Грек-рим күресінен КСРО біріншілігінің жеңімпазы, КСРО халықтарының VI жазғы спартакиадасының жеңімпазы, 1981 жылы әлем чемпионы, 1982 жылы әлем кубогының күміс жеңімпазы.

Ермахан Сағиұлы Ыбрайымов 1972 жылы 1 қаңтарда Жамбыл облысының Тельман атындағы ауылында туған даңқты боксшы, халықаралық спорт шебері, Сидней Олимпиадасының жеңімпазы. Ермахан Ыбрайымов Атлантада және Сиднейде өткен Жазғы Олимпиада ойындарында Қазақстанның ту ұстаушысы болды.

To read more, you can visit the link.