173 Сөздікқор (30-күн)
Сөздікқор
- Сүтқоректі – сүтпен қоректенетін жоғары сатыдағы омыртқалы жануарлар
- Егжей- тегжей – бір нәрсенің жай-жапсары, анық-қанығы
- Тұмсық – жан-жануарлар мен адам баласының ауыз, мұрын орналасқан жері
- Шұбар – малдың, жан-жануарлардың т.б. заттардың бір өңкей түс пен теңбіл-теңбіл басқа бір түс араласқан түрі, түсі
- Қараторғай – көктемде келіп, күзде жылы жаққа ұшып кететін, түсі қара, кішірек келген жыл құсы
- Тоты -түрлі-түсті қауырсынды, қырғауыл тектес сұлу құс
- Қышқылтым – сәл-пәл ашқылтым, кермектеу
- Қыш – күйдірілген балшықтан соғылған кірпіш, кесек
- Жемдеу – жем беру
- Дақ – бір нәрсенің киімге, денеге түскен таңбасы
- Ізгілік – қайырымдылық, жақсылық
- Қатыгездік – қаталдық, мейірімсіздік, тасжүректік
- Аулау – аң, құс, балық т.б. жан-жануарларды ұстау, ауға түсіру
