28 Сөздікқор: (5-күн)
Сөздікқор
- Ересек – есейген, ер жеткен, естияр, жас жағынан үлкенірек
- Аталмыш – жоғарыда аталған, сөз болған
- Танылу – танымал болу, белгілі болу
- Сәтті – ойдағыдай, орайлы, ұтымды, қолайлы
- Намыс – ар, ұят, ұждан
- Абырой – бедел, қадір, жақсы атақ
- Енші – меншік, иелік
- Мерей – атақ, абырой, бедел, мәртебе
- Жанкүйер – спорттың белгілі бір түріне, спорттық команда ойындарына қызығушы, қолдаушы, жанкүйер болушы
- Құрмет – елге, жерге еңбегі сіңген құрметті, сыйлы адамға көрсетілген қошемет, сый-сияпат
- Байрақ – ту, жалау, белгі
- Құлшыныс – ұмтылыс, талпыныс, талап
- Құрам – белгілі бір топты құрайтын адамдар (жиынтығы)
- Қарсылас – бір-біріне қарсы адам, қарсы жақ
- Үміт – бір істің жүзеге асуына деген сенім, дәме, тілек
- Арман – қиялдың ерекше бір түрі, мақсат, тілек
- Бедел – қадір-қасиет, атақ-абырой
- Ықпал – бір адамның екінші адамға, бір нәрсенің екінші нәрсеге еткен әсері
- Құндылық – танымның, белгілі бір объектінің адам үшін, топ үшін, қоғам үшін қасиетті деп танылуы; қоғам жақсы, дұрыс және қалаулы деп санайтын абстрактілі идеялар
- Таңдаулы – таңдалған, бірінен-бірi өткен, маңдай алды
- Мерген – көздегенін атып түсіретін аңшы, нысанаға дәл тигізетін атқыш адам
- Күмән – сенбеуден туған ой, шүбә, күдік
- Тоғызқұмалақ – қазақ халқының ертеден келе жатқан құмалақ салатын он сегіз отауы, екі қазаны бар есепке баулитын ұлттық ойыны
- Зерттеуші – ғылыми зерттеу жұмысымен айналысушы, зерттеу жұмысын жүргізуші
- Әңгіме – белгілі бір оқиғаны ауызша баяндау, жеткізу түрі; өзара сөйлесу
- Қызығушылық – объектті немесе құбылысты тануға ұмтылу, құмартушылық, ынтығушылық, қызыққандық
- Тәжірибелі – дағдылы, тәжірибесі бар
- Көшірме – түпнұсқа жазудың көшіріліп алынған данасы
- Күрделі – ауыр, қиын
- Қажырлылық – жігерлілік, қайраттылық, күш-қуаты молдық
- Тәуекелшілдік – тәуекел еткіштік, батылдық
